【活動回顧】環境及自然保育基金資助 食享沙田 ——識飲惜食·秋季講座
2025年10月02日
我哋喺9月20號，沙田瀝源社區會堂舉辦嘅秋季講座，喺一片溫馨愉快嘅氣氛下圓滿結束！
好榮幸可以同咁多位街坊鄰里一齊學習「惜食」智慧。當日天氣不穩但仍然有好多人出席！真喺非常感謝各位嘅出席同支持，大家投入嘅眼神同埋踴躍嘅提問，都俾咗我哋好大嘅動力！
衷心感謝營養師陳秋惠（Sharon Chan）嘅精彩分享！Sharon 用佢專業又易明嘅方式，教大家點樣由揀選、儲存食材開始，減少廚餘，將「惜食」融入日常生活，食得健康又環保。唔少參加者都話，學到嘅創意食譜真係好實用，返去就要試整！當然唔少得嘅，就係各位開心拎住「食物福袋」嘅笑容啦～
錯過咗今次講座嘅朋友唔使失望！我哋之後會繼續舉辦唔同季節既主題講座，請密切留意我哋嘅Facebook專頁！
再次感謝環境及自然保育基金嘅資助同沙田婦女會既協助，以及每一位出席嘅你！一齊由社區開始，實踐識飲惜食，創造更美好可持續嘅未來。